Texnomart - Sovg‘a emas

texnomart — O‘zbekistondagi texnikani muddatli to‘lovga sotuvchi eng yirik riteyler, agentligimizga har yillik vazifa — 8-martga sotuvlar oshirish maqsadi bilan keldi.

Xo’sh, qanday qilib brend ko‘plab raqobatchilarning bayramona aksiyalari, chegirmalari va sovg‘alari orasidan ajralib chiqishi mumkin?

Odatda ayollarga 8-mart kuni mikroto‘lqinli pechkalar, mikserlar va changyutgichlar sovg‘a qilishadi. Xuddi 8-mart ayollarning emas, ro‘zg‘orning bayramidek.

Biz bu holatga qarshi edik, shuning uchun 8-mart kuni texnomart umuman hech qanday oshxona va uy texnikasini SOTMADI. Mijozlar e’tiborini esa ayollarga rosmana kerak bo‘lgan sovg‘alarga — smartfonlar, noutbuklar va planshetlarga qaratdi.

Sotuvlar 293% ga oshdi, gadjetlar sotuvi esa 937% ga yetdi. Ammo eng asosiy g‘alabamiz — bizni butun O‘zbekiston bo’ylab minglab ayollar qo‘llab-quvvatlashdi, reklamamizni esa 1,5 million kishi ko‘rdi.