Payme -
Global Uzbek Card

Payme moliyaviy mobil ilovasi VISA xalqaro to‘lov tizimi bilan birgalikda yangi mahsulotni — ilova ichidagi VISA virtual kartasini bozorga chiqardi. Muammo shunda ediki, deyarli har bir moliyaviy ilova o‘z foydalanuvchilariga virtual VISA kartasini taklif qilar edi. Bu mahsulot shunchalik oddiy va ko‘p uchraydigan bo‘lib qoldi-ki, hech kimni hayron qoldira olmasdi. Shuning uchun, biz barcha e'tiborimizni mahsulotning o‘ziga emas, balki uni O‘zbekistonliklarga qanday taqdim etish mumkinligiga qaratdik.

Natijada biz katta, xalqaro brendni — mahalliy, o‘zimizniki qilib, VISA kartalarini faqat O‘zbekistonliklar tushuna oladigan shaklga keltirdik. Buning uchun biz keng qamrovli so‘rovnoma o‘tkazdik, hamda O‘zbekistonliklar nimani o‘ziga yaqin, qadrdon deb bilishlarini aniqladik. Olingan javoblar asosida yangi Payme VISA virtual kartalari dizaynini ishlab chiqdik.

Lekin bu hali hammasi emas! Dizayn odamlarga shunchalik yoqdiki, kartalardan tashqariga chiqib, haqiqiy O‘zbekistonga bag‘ishlangan brend merchiga va smartfon orqa foni rasmlariga aylandi.